Reiselivsnæringa har sett rekordar tre år på
rad, sjømat næringa når snart 100 milliardar kroner i eksport. Aldrig før har
det vore etablert fleire nye verksemder, og innovasjonen er stor i eksisterande
verksemder. Det vitnar om framtidstru, til tross for oljenedturen. Ja, til og
med i landbruket er det vekst. Det viktigaste vi politikare kan gjere i
distrikta er å legge til rette for gründeren , bedriftene og lokaldemokratiet.
Det gjer oss lokalt eigarskap og trygge arbeidsplassar.
Meir
statleg styring og mindre valfridom blant innbyggjarane slik AP og SP vil er
feil medisin. Det som skapar vekst i distrikta er ikkje auka skattar, statlege
overføringar som regionale utviklingsmidlar og bulyst-midlar, slik AP og SP ønskjer
seg. Det som skaper vekst er å bygge ut vegar og anna infrastruktur. Betre
vegar og sterk satsing på infrastruktur vil tene næringslivet, det vil skape
sterkare bu- og arbeidsregionar, og turistar og andre vil ha lettare tilgang
til vårt fylke. Dei 1000 milliardane vi no skal bruke på veg, kyst og bane kjem
til å ha langt meir å seie for utviklinga i distrikta enn det nokre statlige
stimuli midlar nokon sinne vil bety. Vi har sett mange som demonstrera for
betre vegar, no seinast for E16, men aldri for store omdømmeprogram som skal
skape bulyst i distrikta.
Venstresida
manglar gode løysingar for distrikta, dei har til no feks ikkje prioritert E16.
SP og SV seier nei til ei EØS-avtale som gjer at vi får selt fisken, industriproduksjonen,
skogen og gassen vår til Europa. SV og MDG seier nei til å bygge ut vegar i
distrikta. Desse partia vil ha avgjerande påverknad på ei eventuell raudgrøn
regjering. Det einaste venstresida seier ja til er auka skattar og avgifter for
for små og mellomstore bedrifter og folk flest. Det vil garantert gje færre
lønsame arbeidsplassar, ikkje fleire. I Høgre ønskjer vi å styrke distrikta,
ved å legge grunnlaget for meir næringsutvikling, ved å styrke fagmiljø, og ved
å seie ja til lokale initiativ. Distrikta sine konkurransefortrinn må nyttast.
Høgre
leverer løysingar som styrkar distrikta. Vi flytter ut dobbelt så mange
statlege arbeidsplasser som den raudgrøne regjeringa. Kommuneøkonomien er
kraftig forbetra i denne perioden. I følgje Kommunenes Sentralforbund må ein
tilbake til 90-talet for å finne like gode tal som for 2015 og 2016. Det mange også
ser ut til å gløyme er at Ap og SP har
vært pådrivar og igangsetjar av politireform og sentralisering av Forsvaret då
dei sat i regjering. AP har tidligare landsmøtevedtak på kommunesamanslåing ved
tvang. Når dei no er i opposisjon er dei
og Sp imot det meste av reformer som skal sikre vår velferd.
Vi er
klar over at reformene som er sett i
gang møter motbør, men vi vil forsikre alle om at vi gjer dette fordi vi
ønskjer betre og meir moderne tenester til innbyggarane. Nærpolitireforma er
eit eksempel på dette. Bakgrunnen for reforma var klare faglige anbefalingar
frå Politianalysen og Gjørv-kommisjonen som AP og SP, – og no Solberg
regjeringa følgde opp. Både leiinga i politiet og Politiets Fellesforbund stod
begeistra bak reforma då den vart lansert. Det vil alltid være krevjande å gjennomføre
omfattande reformer, og dei utfordringane som dukkar opp vil vi ta tak i. Men
resultata er allereie i ferd med å kome. Responstida går ned,
oppklaringsprosenten går opp. Det er også løyvd pengar til å tilsette 1400
politifolk i by og bygd. Vi er tilført 138 nye stillingar her i Vest. I tillegg
er innsatsen mot overgrep mot barn og unge meir enn fordobla dei siste tre åra.
Arbeiderpartiet
ønskjer store avgifter på kjøp, eige og drift av bil, som vil gjere det dyrare
å bu utanfor byane. Dette visar deira alternative budsjett. Partiet gløymer
heilt at mange i distrikta ikkje har noko alternativ til bilen. AP går og til
val på meir statleg styring og mindre makt til kommunar som vil leggje til
rette for næringslivet i for eksempel arealsaker. AP og SP stemde imot
lovforslaget om meir makt til kommunane i arealsaker.
Med SP
med på laget må AP seie nei til mange viktige endringsprosessar i samfunnet. Som
politikar møter ein alltid minst motstand om ein står stille. Vi ønskjer modige
politikarar, politikarar som lyttar på faglige anbefalingar og brukar erfaring
i politikk og samfunnsutviklinga, og som tek grep for å bevare det som er godt.
Høgre ønskjer å halde fram med å modernisere Norge, og gje gass for at
distrikta skal være motoren for den veksten som Norge treng for å vidareutvikle
Norge som velferdsstat. Høgre treng distrikta, og distrikta treng Høgre. Vi
trur på Norge.
Ove Trellevik,
Stortingsrepresentant (H), Hordaland
Trond Helleland, Parlamentarisk
leder (H), Buskerud.
Ingen kommentarer:
Legg inn en kommentar